أهلاً وسهلاً بيكم في النسخة الجديدة من رحلة الإحسان، اللي هتكون مليانة مفاجآت وتحديات جديدة! السنة دي، رحلتنا مش زي أي سنة، هنشتغل سوا على مشاكل كبيرة ومهمة، وهنحاول نجد ليها حلول ذكية ومبتكرة. عشان ننجح، محتاجين نفكر بطريقة مختلفة ونجيب أفكار مبدعة تخلينا نوصل لهدفنا. يلا نبدأ المغامرة مع بعض ونثبت إننا قادرين نعمل فرق حقيقي ونحل المشاكل الكبيرة بأفكارنا العظيمة!
رحلة الاحسان هو جزء من أكاديمية إحياء، اللي هنشتغل فيها سوا على مشاريع كتيرة وهدفنا نحقق انجازات أكتر، وهنعرف إننا قادرين نحقق أي حاجة لما نتعاون ونشتغل عليها بجد. على مدار ٤ سنين شغالين، واشتغلنا مع فرق كتير، وكل مرة كنا بنتفاجأ بالنتايج اللي دايمًا بتفوق التوقعات.
الاستكشاف
حلول مبتكرة
التنفيذ
الدفاع
الرواق!
مدينة الأحسان قدامها تحديات كتير، وعلشان نعديها، لازم نفهمها كويس الأول! يلا نشوف المشاكل دي ونشوف هنحلها ازاي مع بعض.
المحاور الستة دول هما الأساس اللي هنبني عليه في إعادة إعمار مدينتنا! يلا نبدأ الشغل عليهم علشان نشوف مدينتنا بتتغير للأحسن.
دلوقتي بعد ما فهمنا كويس المشاكل اللي بتواجه مدينتنا، جه الوقت نبتكر حلول تساعد مدينة الإحسان تقوم من تاني وتبقى مدينة قوية ومستدامة. هنفكر برا الصندوق و هنستخدم كل الأدوات اللي عندنا.
بمساعدة المدربين هنستخدم الادوات دي عشان نوصل للفكرة بتاعتنا ونعرضها في الآخر على لجنة حكام عشان يقيموها!
هنا كل فريق لازم يخطط كويس جدا، عشان فترة التنفيذ! هنقعد فترة شغالين على منتجنا، و المدربين هيكونوا بيدعمونا بورش عمل مختلفة وهنعرض فكرتنا في رواق مُصغر خاص برحلة الإحسان فقط!
طبعا هنا كل فريق بيكون شغال مع نفسه! هيبقى بس بيقولنا كل جمعة وصل لإيه من خلال فيديو أو مقال - يا ترى مين هيكسب؟
هنا لازم تكونوا قادرين تدافعوا عن حلكم، و تبينوا قد ايه هو مفيد و مميز، هتمروا بمراحل كتير عشان تقدروا تاخدوا موافقة على الحل! الموضوع مش بسيط...دي المدينة بتاعتنا!
هيكون في فرصة نحسن في المشروع قبل الجلسة الاخيرة!
لو وصلتوا لهنا يبقي اكيد عندكم حل ممكن يساعد مدينتنا، بس لسا..لازم افراد المجتمع يشوفوه و نعرف هيفيدهم بجد ولا لأ!
واثقين انكم قد المسؤولية!
